நடிகர் அஜித்தின் AK 64 என்று ரசிகர்களால் குறிப்பிடப்பட்ட படத்துக்கு 'டேர் டெவில்' என்று பெயர் சூட்டப்பட்டு, ஆடிப்பெருக்கு விசேஷ நாளில் அறிவிக்கப்பட்டது. இப்படத்தை தயாரிக்க நிறைய தயாரிப்பாளர்கள் முன்வந்த நிலையில், அது குறித்து நீண்ட பேச்சு வார்த்தைகள் நடத்தப்பட்டது. ஆனால் அஜித்தின் விருப்பப்படி அந்த பேச்சுவார்த்தைகள் முடியாத காரணத்தால், சொந்த தயாரிப்பு வேண்டாம் என்ற தன் நீண்ட நாள் கொள்கையை மாற்றி, இறுதியில் தன் மனைவி ஷாலினி பெயரில் படத்தை சொந்த தயாரிப்பில் தயாரிக்க முடிவு செய்தார்.

படத்தின் பெயர், தயாரிப்பாளர் இசையமைப்பாளர் அனிருத்தின் பெயர்கள் மட்டும் கொண்டு ஆகஸ்ட் 3 அன்று அதிகாரப்பூர்வமாக படத்தின் அறிவிப்பு வெளியானது. படப்பிடிப்பு முன்பு நவம்பர் 2-ம் தேதி தொடங்கும் என்று அறிவிக்கப்பட்டிருந்தது. ஆனால், கார் ரேஸிங் பந்தயங்களில் தீவிரமாக கலந்து கொண்டு சென்னைக்கு வராமல் வெளிநாடுகளில் இருந்தார் அஜித். இந்த நிலையில், தற்போது இப்படத்தை பெரிய அளவில் பான் இந்தியா படமாக தயாரிக்க மிகவும் கவனமாக திட்டமிட்டு கொண்டிருக்கிறார்கள்.
அவர்களுக்கு பிடித்த மாதிரி ஆதிக்கின் கதையும் சரியாக அமைந்து விட்டதால், படு தீவிரமாக இப்போது படப்பிடிப்பு தொடங்கும் வேலையில் இறங்கி விட்டார்கள். முதலில் மோகன்லாலை அணுகியிருக்கிறார்கள். அவரது மேனேஜர் கேட்ட தொகை படத்தின் தயாரிப்பு செலவின் திட்டமிடலுக்கு சரி வராமல் போக, இப்போது மலையாளத்தில் புகழ்பெற்று வரும் உன்னி முகுந்தனை ஒப்பந்தம் செய்திருப்பதாக தகவல்கள் சொல்லப்படுகிறது.

கன்னடத்தில் கிச்சா சுதீப்பிடம் முதலில் பேச்சுவார்த்தை நடக்க, அவரால் தேதிகள் தர முடியாமல் உபேந்திராவிடம் இப்போது பேசுகிறார்கள். தெலுங்கில் வெங்கடேஷ் நடிக்க அனேகமாக முடிவாகிவிட்டது என்கிறார்கள். அடுத்து இப்போது அஜித் கார் பந்தயம் எல்லாம் முடித்து அடுத்த மாத கடைசியில் சென்னையில் கால் வைத்த அடுத்த பத்து நாட்களில் 'டேர்டெவில்' படப்பிடிப்பு தொடங்கிவிடும் என்பதுதான் இப்போது நிச்சயமான செய்தி.
Editor Vijay Velukutty Exclusive: "அஜித் சாரை தூரத்துல இருந்து பார்த்தாலே நிறைய கத்துக்கலாம்!"சினிமா விகடனின் பிரத்யேக Whatsapp க்ரூப்
https://chat.whatsapp.com/JSk78H7siYK4aL2qO1RglR
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
https://chat.whatsapp.com/JSk78H7siYK4aL2qO1RglR











Comments (0)
Be the first to share your thoughts.